Save Meratus manang di pengadilan jar
Mahkamah Agung umpat malawan akan
PK ampun PT.MCM kada ditarima
Himungnya kami nang di banua
Tapi hadangi
Hanyar sapasal manangat bakukut batu harang haja nang jadi
Baluman kawa basantai masih
Tanggar haja lagi di Meratus nang bangaran konsesi
Konsesi tu napa garang?
Ibaratnya mamburu hayam bakikih
Jangan ma-alangalang,
Amun batisnya masih batajak,
bila-bila handak kawanya pulang kaina bakikih
Meratus sudah di mana-mana dikukuti
Gunung bukit papasak bumi tunggal butingan ditutuhi
Kada tahitung lagi ciptaanNya nang dizalimi
Kaya kada mangganang masih ada hidup nang imbah mati
Baluman habis kisah konsesi
Meratus mangirimi habar mamawah hati
Ada nang habis umur situ saini
Parahat mandakai lucuk Kilayi
Apa ada...
tatangis ai baasa
Asa kahilangan dingsanak tuha
karena "pencinta alam itu bersaudara"
😢
